ستوري پیژندونکو له لمریز نظام څخه بهر یوه سیاره کشف کړي چې نوم یې GJ 357 d ایښودل شوی، د دوي په خبره چې په دې سیاره کې د ژوند کولو لپاره ټول امکانات برابر دې او ژوند کول په کې ممکن دې، خو د ډیري زیاتي یخنۍ له امله ښایي بیرته ممکن په ناممکن بدل شي.

دا سیاره له لمریز نظام څخه بهر موقیعت لري او د خپل ستوري په شاخوا کې څرخیږي چې د ستوري نوم یې (GJ 357) دی. د المان ګوتینګن پوهنتون چې په دې نړیوالو څیړنو کې برخه لري وایې چې د دې ستوري حجم له لمر څخه یو په دری کوچنی دی.

د دې څیړنو راپورونه په لمړي ځل په (نجوم او نجومي فزیک) مجله کې خپاره شوو. دا ستوری چې د پوهانو په نظر مونږ ته یو څه نږدي هم دی، خو بیا هم له ځمکي څخه ۳۱ نوري کاله فاصله لري، په داسي حال کې چې د شیدولار کهکشان په کوم کې چې زمونږ لمریز نظام هم موقیعت لري، ۱۰۰ زره نورې کاله اوږدوالی لري.

د دې تر څنګ دوه نوري سیاري هم کشف شوي، چې په اړه یې ستوري پیژندونکې وایې: ځیني داسي ځانګړتیاوي لري چې ښایي ژوند کول په کې امکان ولري.

ستوري پيژندونکې تل هڅه کوي چې داسي سیاره کشف کړي په کوم کې چې د ژوند کولو امکان وي، خو تر دې دمه داسي زیاتې سیاري کشف شوي، خو په اخر کې یې بیا داسي عوامل هم معلوم شي چې هغه د انسان له طبعت سره په ټکر کې وي او هلته ژوند کول بیرته ناممکن اعلان شي.

د دي سیاري په هکله هم دې وروستیو کې داسي ویل کیږي، چې ښایي د ډیري یخنۍ له امله هلته ژوند کول ناممکن وي.