له ټولني ګوښه کېدل په اروپا کې په لویه ستونزه بدله شوي، ډېری کسان هڅه کوي تر څو یوازي واوسي او له ټولنې څخه ځان ګوښه کوي. د بریتانیا ۹ میلیونه خلک یا یوازي اوسي او یا هم د یوازیتوب احساس کوي.
یوازیتوب د اوسني عصر تر ټولو تریخ حقیقت دی، چې له بده مرغه ورځ تر بلي دا ستونزه پسي ډېریږي، خو تر اوسه پوري بریتانیا لمړنی هېواد دی چې دې ستونزو د پلټني لپاره یې خانګړی وزارت رامنځته کړی.
د دې وزارت دنده داده چې د یوازیتوب او له ټولنې د ګوښه کېدو د ستونزې لاملونه او حل لارې وپلټي. په بریتانیا کې د یوازیتوب وزارت په ۲۰۱۸ زیږدیز کال د جنوري په میاشت کې د د یاد هېواد لمړۍ وزیري له لوري رامنځته شوی دی.
د بریتانیا لمړۍ وزیري ویلي، یوازیتوب او له ټولنې ګوښه کېدل له بدمرغه د دې عصر تر ټولو خفه کوونکی حقیقت دی. چې د یوازیتوب وزارت به هڅه وکړي، تر څو یې لاملونه او حل لارې پيدا او د دې ستونزې د ډېریدو مخه ونیسي.