یوټیوب هم له ټویټر او فیسبوک وروسته د ډونالډ ټرمپ چینل خلاص کړ
د الو نهه ګټې
- هضمي اخطلالاتو درملنه کوي: د الو په جوړښت کې یو ډول ایساتین او سوربیتول موجود دي چې کولای شي هضمي سیستم تنظیم کړي او قبض له منځه یوسي.
- الو د ویټامین سي غوره سرچینه ده: په الو کې موجود ویټامین سي کولای شي چې بدن د انتاني ناروغیو په مقابل کې تقویه کړي او له التهاب او ازادو راډیکالونو سره مقابله وکړي.
- د زړه روغتیا او شریانونو ته وده ورکوي: الو د زړه له روغتیا سره مرسته کوي، دا مېوه انټي اکسیډونه لري چې مونږ د ازاد راډیکالونو له شره خلاصوي. اکسیډاسیون کلسټرول د ویني رګونو لپاره خطرناک دي او ممکن چې د زړه ناروغۍ لامل شي، خو په الو کې موجود ویټامین سي کولای شي دغه ستونزې حل کړي. او شکر ناروغانو لپاره هم زیاته ګټه لري.
- له سرطان سره مبارزه کوي: د څېړنو په اساس، الو کولای شي چې د ځیني سرطانونو په وړاندې ګټور اووسي، چې له هغې جملې څخه د سینې سرطان، کولمو سرطان او تنفسي لارو سرطان یادوونه کولای شو. دا مېوه د سینې خراب سلولونه له منځه وړي په داسې حال کې چې روغو سلولونو ته هیڅه زیان نه رسوي.
- کلسترول په متوسط ډول ساتي: الو پوتاشیم لري او پوتاشیم د بدن د سلولونو او معایاتو لپاره مهم عنصر دی، چې د ویني فشار او د زړه ضربان کنټرولوي، او نه پرېږدي چې وینه ټوټه شي. همدارنګه پوتاشیم کولای شي د ویني له لوړ فشار، د زړه سکته او کرونایي ناروغیو څخه مخنیوی وکړي.
- په سترګو کې د ژېړي لکو له لمنځه تللو څخه مخنیوی کوي: ژېړي لکې یا ماکولا د سترګو د شبکې یوه مهمه برخه ده، چې د واضح نور لیدلو لامل کېږي. ژېړي لکې د لیدلو لپاره خورا مهمې دي. الو کولای شي چې د ژېړي لکو د له منځه تللو مخنیوی وکړي.
- د ویني جریان ښه کوي: الو او الوبخارا بدن دې ته اماده کوي چې ډېره اوسپنه جذب کړي، ځکه چې دا مېوه ډېر ويټامین سي لري او د ويټامین سي زیاتوالی د اوسپني د ښه جذب لامل کېږي، اوسپنه د ویني حرکتونه قوي کوي او بدن له کم خونۍ څخه ساتي.
- 8. د وزن په کمولو کې مرسته کوي: الو له بدن څخه زهرجن مواد لرې کوي، د قبضیت مخنیوی کوي او په طبیعي ډول وزن راکموي.
- د شکر له خطرناکې ناروغۍ سره د مبارزې لپاره الو وخورئ: الو په بدن کې د ګلوکوز کچه منظموي او په خوراک کې د ویني د انسولین کچه تنظیم کوي.
