خوب د انسان د روغتیا لپاره تر هر څه ډېر مهم او ګټور دی، چې کولای شي ستاسو مغز فعال وساتي او دفاعي سیستم مو قوي کړي. د هغه تر څنګ د زیاتو ناروغیو خطر هم کموي.

دلته به درته شپږ داسې خواړه معرفي کړو چې تر خوب مخکې خوړل یې ګټه لري او د ښه خوب لامل کېږي.

• بادام: بادام په پراخه کچه مګنیزیم او ملانین لري چې د خوب د تقویت لپاره ډېر مهم دي.
• د فیل مرغ غوښه: د فیلمرغ غوښه ډېر پروتین او ټریپټوفان لري، کوم چې خوب راوړونکي دي او د ارام خوب سبب کېږي.
• کېوي: کېوي سروټونین او انټي اکسایډونه لري چې د خوب کیفیت ښه کولو کې مرسته کوي.
• د الوبالو اوبه: د الوبالو اوبه د ملاټونین هورمون د قوي کېدو لامل کېږي چې تاسو سره د ښه خوب په کولو کې مرسته کوي.
• غوړ لرونکی کب: غوړلرونکي کبان ویټامین ډي او غوړامګا۳ اسیدونه لري، کوم چې د ښه خوب کولو سبب کېږي.
• سپینې وریځي: سپیني وریځي لوړ ګلسیمي GI لري چې خوړل یې تر خوب مخکې ډېر ګټور دی، او خوب تقویه کوي.